لما تكون بتحب واحده

وحبك انت كان بجد

لما تطلع هى جاحده

و قلبها اتعلم يهد

قولها مليون سلامه

مهما كان القلب دايب

قولها سيبتى علامه

لما عذبتى الحبايب

البنت عايزه حبيبها دايما يحتويها

حد بيطبطب عليها وحضنه ليها

يفتكرها مش تملى يكون نسيها

البنت فـ الرقه ببساطه بتلاقيها

يوم ماتزعل دمعه تنزل بتداريها

لما تضحك دمعه تانيه تبان عليها

اصلها بتحب قلبه جنب طيبته

لما بتشوفه مريض بتكون طبيبته

لما بتحس بحنانه تكون حبيبته

وقت ما يغيب عنها حبه تغيرعليه

و بتساله كده غيبت ليه

كل البنات قلبهم ابيض صغير

من همسه بس فـ قلبهم لونهم يغير

اصلهم كده فـ الاساس مخلوق يحير

دى نهاية البديات

بتبقى مره ساعات

وساعات بتعدى عادى

مش محتاجه لاجابات

وسنين تفوت ويادوب

بننشغل فـ حياتنا

بالقسمه والمكتوب

لا هنفتكر بديات

ولا حتى احلى حاجات

دقنها فيكى يادنيا

يا مكفينه اهات

واحنا بقى ناسين

ماشيين اهو وعايشين

والعمر طال بينا

وبرده مش فكرين

د نصيبنا هو الحكم

فـ معظم الاوقات

داللى انكتب بالقلم

بكره يموت فـ سكات

ده لاننا مجانين

من اسوتك يا سنين

رافضين نكون عشاق

فـ كوكب العاشقين

ببساطه كده الروح بتروح

لما بتوصفلى فـ غرمها 

ويبان ع وشى بكل وضوح

لما بتتنهد فــ كلامها 

ويتغير لونى واكون مكسوف

ساعة ما بكون انا قدمها

ولقيها تقولها وكلها خوف

قررت انا بقى اكتبهلها

دى حكاية بتبدأ من عندكِ

ماسكه انتى فـ ايدى وانا سندكِ

وبحس بقلبكِ كده مفتوح

لما بيسعنى وانا جنبكِ

ببساطه كده انا بيكى مشغول

وبعلو الصوت انا ليكى هقول

انا عشقكِ وده شئ مش معقول

ان افضل احبك وابقى خجول

بصراحه كده بعشق قلبكِ

قال ايه بنحب ونتحب 

اتارينا بنضحك على روحنا

ونصدق كدبه كدبناها

ونزود اكتر فى جروحنا

ياخسارة الحب اللى نزفته

ياخسارة العشق اللى عشقته

ويارتنى ماكنت انا صدقته

هتصدق او مش هتصدق

علشان الحب نبيع مبدأ

ونغير علشانه حياتنا

وبنقتل وياه فـ طموحنا

ملعون الحب اللى وجعنا

ومزود اكتر فـ وجعنا

ومعشش دايما فى جحورنا

خلانا بنحفر فـ قبورنا

ملعون الغدر اللى اتكرر

خلانا فـ همومنا نفكر

امتى بقى نموت

فـ يزيد اكتر

على قد ما فى فحياتنا كتير 

جوانا كلنا كام حلم اسير

لكن اوقات كلها بطير

ما بنحسبهاش وبدون تفكير

بنسافر احنا وبنعدى 

بخيالنا ولا مره نهدى

على حلم ونثبت نستنى

جايز هيكون يوم على قدى

ونكمل برده فى الوحده

وبنسال فى الاخر حالنا

هى الايام كلها واحده

ولا احنا بنسرح بخيالنا

تفتحلى الدنيا دراعتها

وتقولى تعالى فـ احضانى

واصدق برده واحضنها

وفـ اقرب حلم انا طعنانى

واللهى لبكره هتتعدل

ولا احلم حلمته هيتبدل

يتحقق وقت ما يتحقق

لو حال الدنيا بقى مأندل

مين اللى غير فـ الملامح دى كده

مين اللى غير ضحكتكِ بالشكل ده

من ضحكه صافــيه خلاكِ مـتنكده

ياغاليه ردى ع ابــنك اللــى اتقتل

دانا كـــنت فاكر ان حـــالك اتـعدل

يا ضنايه دمعى ما بيـنقطع ع الخد

فكرت ياابنى ابــنى لدمـــعى سد

مش لحقه افرح ده البيت علينا اتهد

طب يا امه ضحكه بكفايه فيكى الهم

بقى وشك ابيض والشال محنى بدم

وعبايه سوده و حداد و دمعة ام

طب يا امه خليكِ واثقه فـ ربنا متاكده

انا كل وجعى ان انتى لسه منكده

كل الشواهد ضدها

دى جريمه ثابته فـ حقها

قتلت بإيدها شوق وحب

كنت شايله لـ قلبها

ساعت ما قالت نفترق

حسيت بروحى بتتسرق

من غير جريمه انا بتقتل

انا عشقى مات ولا غرق

القلب مش محتاج دليل

القلب كان ليها يميل

بس الغرام سهل اوى

الصعب كان دمعى يسيل

او اسهر اتعذب فى ليل

على حب مات من غشها

مليون دليل على وشها

دى جريمه ثابته فـ حقها

اول مكالمة فى الغرام 

لحظة ما يبدأ فـ الكلام

باوطى صوت بيقولها انا بعشقكِ

وهى برده بتعشقك

ويزيد شغفهم كل لحظه وكل ثانيه

ويكرروا نفس المشاعر مره تانيه

وتحس رعشه فـ جسمها من همسته

وتميل برقه بخدها على كلمته

وتحس احساس شدها كده نحيته

وتوشوشه فسرها وبتساله 

هم الملايكه بيعشقوا زى البشر

هى الحياه ممكن تدوم بدون قمر

طول عمرى بحلم احضنك وسط المطر

هو يرد يا حبيبتى لازم نسلم بالقدر 

هو النصيب نمشى فى طريقه بدون حذر

واحنا حبيبتى مكملين فى حبنا

بس اللى جاى بكره فى علم ربنا

مانيش ايوب انا فـ صبره

ولا موسى فـ تفكيره

ولا يوسف حكيم امره

ولا الخضر فـ تفسيره

انا العبد الفقير لله

حياتى ملك تقديره

وستره ليه يوم ماعصاه

وحبه وقت مادعيله

بيفرجها ساعة ماضيق

يزيد كرمه وتيسيره

فـ سامحنى ع التقصير

وتركيزى بقى فـ مصير

عالم وحدك بتدبيره

كنت فاكر ان مفيش فـ حياتى حلم
وان اكيد هيجى يوم منها اَمْل
كنت لما اعيش لوحدى 
افتكر لحظة ندم
افتكر لحظة شجن 
افتكر مين حبنى
ومين كرهنى
ومين معايا فـ طريق وسط الالم
مين مكملى حياتى
مين يواسينى فـ اهاتى
كنت لما اسرح فى حلمى
ماشلش هم
و اكتفى بدموع زمان
وده الاهم
كنت لما احب افوق
انزل للمة الصحاب
كنت بنسى يعنى ايه
معنى القلق والاضطراب
وياه ويزو وبرده تيتو
وياه الماجيك والاكسلانس
ومفتكرش انى فـ حياتى
دايما بسف التراب
كنت اعيش احلم ببكره
وانسى ايام العذاب
بس قولت اعيش حياتى
واللى فات اصبح سراب
واللى جاى فـ علم ربى
جايز اصبح كوم تراب
وابتدى اكون لنفسى
انا السؤال وانا الجواب
طب عاوز ايه من دنيتك
ولا انت غاوى الاكتئاب
انا عاوز اضحك بس خايف
اقوم فى يوم مالقيش صحاب
ساعتها بس هنفترق
لان ده يوم الحساب
فا يارب اجمع صحبتى
فـ جنتك بدون عقاب

نفس الميعاد قرب الميدان

تقدر تقول نفس المكان

مع اختلاف فـ الشكل والمضمون

تحت اشاره حمرا اظن اللون

كانت صبيه اسمها شيماء

نزلت تقول المجد للشهداء

لاماسكه طوبه ولاجنبها مولوتوف

دى ماسكه ورقه كاتبه عليها حروف

القصد يعنى ماكنش منها خوف

وفـ لحظه اتغير المشهد 

كانت عيون السما تشهد

طلقوا الرصاص رصاصه جت فـ راس

بدء السباق من تانى بين الناس

دم يسيل ويدوس عليه انجاس

فتح التاريخ القوس وضاف كمان شيماء

وقبلها سندس وقبلهم اسماء

والدم لسه رخيص والمجد للشهداء

ساعات بنعيش باحلامنا

وساعات بنعيش بامانينا

لكن ولا مــــــره فـكرنا

نعــيش الـــدنيا بــــعنينا

نقرب حبه مـــن الواقـــع

هيخلق لـــــينا مـية دافع

هيجعل من التــعب شافع

هنسمع صــــــوت يقوينا

وننسى حــاجات تبــكينا

بنندم فى الطريق اوقــات

بنتلخبط فـ بعض ساعات

عــشان ســــرقانا دنــيانا

ودفــــــنانا ولا الامـوات

فـ عشها شويه بهــــمومها

ربك كريم عالــــم يومــها

موزع رزقها بعدله مجرد بس تدعيله

يزيد بركـــتها و يدومـــها

شيلالى ايه ومخــبيالى من الأســــى

اوقات كتير مخنوق انا وبقول عسى 

تـــــفك يارب خنـــقتى فـــ دنــــيتك 

دانا بحر جفت دمعته يوم و اتنــسى

شايل همومه و اتحــدف زى الحـجر

مابقاش يأمــن للـــحياه ولا للبـــشر

بعد اما قتلوا ضحكته فـــ ضى القمر

ويقولوا عايش وعايشه وياه فكرته

يرسم امــل والامـــل صــوت كلمته

بــــس يارتــــنى كـــــنت عــــايش

دانا بـــس طــــيف شفاف وهـايش

ويـــقولوا عنـــــى شـاب طـــــايش

مابـــقتش عــــارف مـــــين شـباب

ومــين اللــــى شــــاب

دول لخبـــــــطونى فـ الحـــــــساب

انا سنـــــى كـــــــــام

مابقـــــتش عـــــــــارف ايه الجواب

الوان كتير فى حياتنا

ماعرفنا يوم معناها

زى النجوم فـ السما

ربك عالم بخطاها

ومين فينا ما بيعشى

يشوف الدنيا ع حالها

يقابل لون و يعشق لون

وطعم حياته فـ خيالها

دى ناس الوانها مختلفه

و ناس ولا لون بيشغلها

غير اللى يكون فى ايد غيرها

فـ ناس بيضه وناس سوده

و ناس الوانها ع الموضه

و ناس بالكحلى موعوده

يكون احمر ده حب ومات

يكون اسود اهات فـ اهات

و ده الانسان يبان فـ كلامه الوانه

ابيض او اسود كله يبان ع لسانه 



 بالوانك بترسم دنيتك احلام

لكن ولا لون يكون ليه صوت

ساعة مايكون مالينا كلام

ويبقى الكون ده كله سكوت

فـ لحظه بقيت عديم اللون

تحس بكلمتك بتموت

فـ ما تكونش عديم الون مع الايام


وافهم لون معادنها وسيبها تفوت