الوان كتير فى حياتنا

ماعرفنا يوم معناها

زى النجوم فـ السما

ربك عالم بخطاها

ومين فينا ما بيعشى

يشوف الدنيا ع حالها

يقابل لون و يعشق لون

وطعم حياته فـ خيالها

دى ناس الوانها مختلفه

و ناس ولا لون بيشغلها

غير اللى يكون فى ايد غيرها

فـ ناس بيضه وناس سوده

و ناس الوانها ع الموضه

و ناس بالكحلى موعوده

يكون احمر ده حب ومات

يكون اسود اهات فـ اهات

و ده الانسان يبان فـ كلامه الوانه

ابيض او اسود كله يبان ع لسانه 



 بالوانك بترسم دنيتك احلام

لكن ولا لون يكون ليه صوت

ساعة مايكون مالينا كلام

ويبقى الكون ده كله سكوت

فـ لحظه بقيت عديم اللون

تحس بكلمتك بتموت

فـ ما تكونش عديم الون مع الايام


وافهم لون معادنها وسيبها تفوت